المدونة
طفل عبقرى يعمل مع “آبل” و “أى بى إم “معا
الشاب ده اسمه تانماي باكشي مواليد 2003 , يعني يعتبر عيل عنده 17 سنة , ولكن بالتوازي هو من اصغر المليونيرات في كندا , و المدهش ان فلوسه مجاتلوش من ميراث ولا من جايزة, ولكن من مرتبه الشخصي .
باكشي هو من اصغر مهندسين الذكاء الإصطناعي في العالم , و هو حاليا أحد المسؤولين عن البرنامج العملاق “واطسون” واللي يعتبر درة أعمال شركة IBM العريقة , وقبل كدة كان في من أهم المطورين في شركة جوجل . كل ده غير محاضراته المشهورة علي موقع Ted , وقناته علي اليوتيوب اللي فيها فوق الـ 4 مليون مشترك , وكمان قام بتأليف 3 كتب مشهورة في نفس المجال , ومرتبه الشهري من شركة IBM يتخطي الـ 80 الف دولار .
باكشي كان بيحكي انه كان ممكن يبقي طفل عادي جدا من أطفال الهند , لولا إن أبوه تمكن من القبول في أحد برامج الهجرة لكندا سنة 2004 , وبالفعل وصلت أسرة باكشي لتورونتو لما كان عمره شهور معدودة .
أبو (باكشي) لما وصلو لكندا كان عنده خطة كاملة لإعداد ابنه عشان يكون مبرمج , عشان كدة لما ابنه وصل 5 سنين , بدأ يعلمه مبادئ البرمجة ( عن طريق برامج بسيطة مخصصة للأطفال ) , وهنا (باكشي) مسك في البرمجة و أتقنها إتقان شديد , وبدأ يطور نفسه بسرعة غير طبيعية , لدرجة انه بدأ يعمل محاضرات في البرمجة من سنة 2011 , يعني لما كان عمره 8 سنين , تخيل !! باكشي بيؤكد انه مستحيل كان يوصل للمرحلة ديه , مالم يجد بيئة علمية مشجعة علي الإبداع زي ما موجود في كندا , لو كان موجود في أحد دول العالم الثالث مكانش هيوصل لربع المستوي اللي هو فيه .
لو عاوز تعلم اولادك و اطفالك برمجه لا تتردد .. يا تري فيه كام (باكشي) مدفون في بلادنا العربية , بعد ان تم طمس مواهبهم في أساليب تعليمية عقيمة , او من جهل آباء و أمهات لازالو متمسكين بوسائل روتينية عفي عليها الزمن من عقود . قصة حقيقية منقوله .. نعيش بدايتها الان في مصر.
إحنا فى Little Coder بنشرح برمجة للأطفال بشكل سهل ومبسط مع الإستعانه ببعض الأنشطة الورقية لتزيد من فهم الطفل للدروس وخلق جانب من المتعة , ومش بنشرح برمجة بس الكورس بيكون فيه بعض المعلومات فى مجال تكنولوجيا المعلومات بحيث نزيد من الخلفيه العلمية للطفل بهذا المجال .الكورسات المتاحة :