أشهر مواقع تعليم البرمجة للأطفال .. المجاني منها و المدفوع

البرمجة و تطبيقاتها و لغاتها ، و كلام تاني كتير بنسمعه عنها

لكن يمكن مش بنسمع كتير عن فرص تعليمها لأطفالنا ،

هانتعرف على أهم و أشهر المواقع اللي بتقدم كورسات لتعليم الأطفال أساسيات البرمجة و مفاهيمها ، 

المفاجأة الجميلة ان معظم المواقع مجانية تماماً و بعضها مدفوع بمبالغ رمزية للمستويات المتقدمة فقط .

كلها بتستخدم أساليب مبسطة عن طريق الألعاب و الرسوم المتحركة عشان تضمن المتعة للأطفال و الإفادة في نفس الوقت .

 1️⃣ موقع Scratch Junior و ده من أشهر البرامج اللي بتعلم البرمجة للأطفال بالمجان و بيقدم كورسات من أول سن ٤ سنوات حتي 7سنوات و بالتالي يعتبر أساسي لأي طفل مبتدئ , 

 و ده ممكن نتعرف عليه أكتر من خلال الكورس المجاني بتاعنا على قناة Little coder على اليوتيوب .

2️⃣ موقع Scratch و ده بيقدم محتوي مناسب من سن 8 سنوات بعد ما الطفل يتم دراسة مستويات Scratch Junior و كمان بنوفر شرح ليه في كورس منفصل متاح على موقع  Little Coder .

3️⃣موقع Code.org ده تاني أشهر موقع محاني للبرمجة للأطفال من سن صغير و بيتميز بتوفر العديد من الألغاز و الأنشطة و مقاطع الفيديو اللي بتساعد الطفل في استيعاب المفاهيم البرمجية الأساسية ،

كمان ده ممكن نتعرف عليه أكتر من خلال كورسنا المجاني المتاح على اليوتيوب .

4️⃣ موقع Blockly و هو مجاني تماماََ و يعتبر من أهم المواقع للأطفال المبتدئين لأنه بيستخدم ال Blocks في تعليم الأطفال البرمجة لتكوين قصة كأنه حل للغز ، بيتميز بسهولته و بساطة فكرته . 

5️⃣ موقع Tynker و هو مجاني و بيعلم الأطفال البرمجة بأسلوب سهل بيمكنهم من بناء ألعاب و برامج خاصة بيهم .

6️⃣ موقع Playcodemonkey و ده موقع فيه تجربة مجانية لمدة ١٤ يوم و بعدها بيبقي مدفوع ،

 بيعلم الأطفال البرمجة عن طريق ألعاب مرحة عبارة عن مراحل الطفل بينفذها لحد ما يوصل للهدف وهو ان القرد يوصل للموز 🐒🍌 😃 .

7️⃣  موقع Codecombat و هنلاقي فيه تعليم البرمجة عبارة عن لعبة ممتعة بتتكون من مجموعة ألغاز و متاهات و مهام متتالية بتعلم الطفل البرمجة بلغات ال Python و Javascript 

الموقع مجاني في المستويات الأولي الأساسية و بعدين بيبقي مدفوع في المستويات المتقدمة .

8️⃣ موقع Stencyl و ده بيعلم الأطفال برمجة الألعاب اللي ممكن تشتغل على التليفون أو الكمبيوتر بأسلوب سهل بيستخدم الرسوم المتحركة .

9️⃣ موقع Khan Academy و هو بالأساس منصة تعليمية مجانية بيقدم كورسات في مجالات العلوم والتكنولوجيا المختلفة و حالياََ بيقدم مجموعة كبيرة من دروس البرمجة للأطفال من عمر ١٢ سنة ، 

الموقع ثري جداََ و مفيد و كورسات البرمجة المتاحة فيه تقريباََ بتشمل كل اللغات و التطبيقات و كمان أسلوبه مسلي و شيق جداََ للأطفال .